SIXA Transporte
SIXA Transporte facilita a xestión das liñas de transporte que utilizará o alumnado do centro subscrito ao transporte escolar. A aplicación permite, mediante un Sistema de Información Xeográfica, definir a localización das paradas e asignar automaticamente o alumnado ás mesmas.
Principais funcionalidades
- Creación de liñas e paradas de autobús directamente sobre un mapa.
- Realización de cálculos xeográficos baseados en Sistemas de Información Xeográfica (SIX), e o pintado de elementos (como os domicilios do alumando ou as paradas das liñas) sobre mapas.
- Asignación automática do alumnado a cada parada mediante regras de xeo-localización tendo en conta o lugar de residencia do alumando.
- Engadir excepcións e modificar as asignacións automáticas das paradas.
- Xeración de informes de asignación de transporte ao alumnado, estatísticas de paradas e liñas.
